Shakir Shuja Abadi Poetry

_{٭٭٭٭٭٭٭٭٭٭٭٭٭٭٭٭٭٭٭٭٭٭٭٭}

_{تیڈی نگری وچ تیڈے نوکر ہاں، پر اپڑیں جھا سردار ہِسے}

_{ہے حسرت تیڈے ڈیکھنڑ دی، تیڈی دید کیتے لاچار ہسے۔}

_{کہیں موڑ تے کھڑ آزماویں توں، تیڈے حکم دے پیرو کار ہسے۔}

_{باقی جگ دے شاکر نوکر نئیں، تیڈی ذات دے تابعدار ہِسے۔}

_{٭٭٭٭٭٭٭٭٭٭٭٭٭٭٭٭٭٭٭٭٭٭٭٭}

_{ساڈے وانگ کوئی مخلص نہ ملسی کائنات کوں پھول اجازت ہئی}

_{ساکوں سٹ کے ڈکھ دی ترکڑی تے، بے وزنا تول اجازت ہئی}

_{تیڈے پیار دا شاکرمجرم ہاں، ودا  در  در  رول  اجازت  ہئی}

_{٭٭٭٭٭٭٭٭٭٭٭٭٭٭٭٭٭٭٭٭٭٭٭٭}

_{اَکھ پھَڑکےپھَڑکےپئی پھڑکے، ہاں پھَڑکےناں ہنج نئ آندی۔}

_{یاڈُکھ دی چارچوہئیں پاسوں، کھَڑکھَڑکےناں ہنج نئیں آندی۔۔}

_{جےہِجرفراق دی جگردےوچ، بھَابھڑکےناں ہنج نئیں آندی۔۔}

_{ہنج شاکرعرق لہو دا ہے، لَہوبَڑکےناں ہنج نئیں آندی۔۔}

_{٭٭٭٭٭٭٭٭٭٭٭٭٭٭٭٭٭٭٭٭٭٭٭٭}

_{روک ویلے کوں ذرا اے خدا دو چار منٹ}

_{کول میڈے آیا بیٹھے دلربا دو چار منٹ}

_{گردش ایام گھنگھنیں دوڑا حساب}

_{میڈے گھر مہمان ہن ہالے نہ آ دو چار منٹ}

_{بدنصیبی تیڈا میڈا ہے تعلق روز دا}

_{کیندے آونڑ دا تا کر ونج کجھ حیا دو چار منٹ}

_{پھول جیا چہرہ سجنڑ دا متاں ول کملا ونجیں}

_{بھیج مولا آج تا جنت دی ہوا دو چار منٹ}

_{تاب شاکر ڈیکھڑیں ہے چوڈویں دے چن دی}

_{آج تا چہرے توں زرا زلفاں ہٹا دو چار منٹ} 

_{٭٭٭٭٭٭٭٭٭٭٭٭٭٭٭٭٭٭٭٭٭٭٭٭}

_{توں نکھڑیں زندگی ایں تھئ ہے، جیویں کہیں دا ڈاج کھسیج ویندے۔}

_{یاترٹ کے پھل کہیں سہرے دا  ، ڈھیہ پیریں وچ لتڑیج ویندے۔}

_{جیویں شوق توں سیتا  چولا  کوئی، گل پاونڑ سیت  پڑیج  ویندے۔}

_{اینویں حال ہن  شاکر اج  ساڈے، جیویں وسدا  شہرلٹیج  ویندے۔}

_{٭٭٭٭٭٭٭٭٭٭٭٭٭٭٭٭٭٭٭٭٭٭٭٭}