Shakir Shuja Abadi Famous Poetry Collection
غزل
شیشے وانگوں ڈسدے میڈا حال سارا شام کوں
سارے ڈینہ وا آ نتر دے ہر نتارا شام کوں
وچوں پپیلیاں دے اباہلیاں ہنجوں ڈہندین ایس طراں
چوک دے وچ جیویں چلدے کئی فواراہ شام کوں
سجھ ابھر دے نالی انکھیں کوں سنوار آون
جے نہ آیو کیویں تھیسی اج گزارا شام کوں
آه و زاری ،، نیر ایندے کول تیڈے آمشام
کیتی ویندے لہندا سجھ ڈو اشارہ شام کوں
میڈی دھی تاں پھٹی چنڑ کے آندی ہے ادھ رات کوں گھنڑاں پوندے میکوں اٹا نت اُدھارا شام کوں
جو گی آ کیویں کراں میں کل دے لارے تے یقین
نت بدلدے میڈی قسمت دا ستارا شام کوں
آ وو دردو نال اوندے رج کے لیسوں بٹ کڑاک
کلہا ہوندے گھر دے وچ شاکر بچارا شام کوں
شاکر شجاع آبادی
******************************************
Shakir Shuja Abadi 2 Line Poetry Sms |
Shakir Shuja Abadi Two Line Poetry
بھانویں اکھ شاکر نیں ڈیکھ سکی
میڈی سوچ خدا کوں مل آئی ہے
ہر حال اچ شاکر تیڈے ہیں ،
بھانویں گَل چا لا، بھانویں رول ودا
نمہی تئیں تائیں "شاکر" ٹُر سگدا
میڈے نیڑے آ میکوں آسرا ڈے
جڈاں لگدیاں شاکر چا کنڈ کیتی
اساں مرنڑ توں پہلے مر گئے
پہلے غم دی فصل پکا "شاکر"
وت خوشیاں آپے جم آسن
میں "شاکر" وقت دا اتھرو ھاں
کوئى وینڑ کرے میں ویہہ پوندا
چلو شاکر تیڈے بخت وچوں
ڈوں چار ڈیہاڑے جی کھنسی
شاکر شجاع آبادی.
****************************************
Thi Gaya Jo Khokhala Eman Musalman Da | Shakir Shuja Abadi ki Shayari
مسلمان دا
تھی کیا جو کھوکھلا ایمان مسلمان دا
ساتھ ڈیون چھوڑ گۓ رحمان مسلمان دا
بے ضمیری دی بلا ، غیرت دا بوٹا چا گئی
نت کرے انسانیت ارمان مسلمان را
ڈے گیا خود ساختہ انجیل مسلمان کوں
چا گیا انگریز ہے قرآن مسلمان دا
خانہ کعبہ دی کمائی وی غیر مسلم کھا
ہتھوں محسن بن گیا بی مان مسلمان دا
جئیں کیتے پیارے نبی رو رو دعائیں منگدے رہے
بن گیا ہے پیشوا شیطان مسلمان دا
آخرت دا تھی گیا الٹا نظام آج دوستو!
منتظر ہے دوزخی در بان مسلمان سلمان را
ایہہ عمل دا ہے نتیجہ کہیں دا شاکر کیا قصور؟
کافراں دا ہے خدا ، بھگوان مسلمان دا
*********************************************